Le Abrahamos hin les te avera ćhave, dë le Iźakosqe mikel o barvajibo
25
1 Thë o Abraham liǎs pesqe jekha rromnǎ,
savi kidë bićhiǎs Ketura.
2 Voj kerdǎs lesqe le Zimranos,
le Jokśanos,
le Medanos,
le Midianos,
le Iśbakos thë le Śuaxos.
3 O Jokśan kerdǎs le Śebas thë le Dedanos.
Katho Dedan avile kala nepi:
o aśuri,
o lëtuśi thë o lëummi.
4 Le Midianosqre ćhave has o Efa,
o Efer,
o Xanok,
o Abida thë o Elda.
Kala së la Keturaqre ćhave hasle.
5 Le Abrahamos so has les,
sëmindënos le Iźakosqe dinǎs.
6 O kolavren ćhaven,
save katha aver rromnǎ kerdǐle,
o Abraham dinǎ len ojandeki.
Thë ʒi kaj ʒiʒiǎs vo,
tranǎ len katha pesqro ćhavo,
katho Iźak,
ka kodo than kathar opre avel o kham,
ko them Kedem.
Le Abrahamosqro meribo
7 O Abraham but ʒiʒiǎs,
jeg śäl thë eftavardeś thë panć borś.
8 O Abraham ari dinǎs pesqro vodji
thë muǎs pala jeg śukar phuribo,
phuro an borśa thë ćëlo viacaθar.
Thë othe risǎs maśka pesqre mule.
9 O Iźak thë o Iśmael,
lesqre ćhave,
parrunde les an borlongos Makpela,
savo anglo Mamre hino,
pe le Efronosqri mal,
savo le Coxaresqro ćhavo haslo,
jeg xetitanos.
10 Këdë hinǐ i mal
savi cindǎs la o Abraham katho xetitënjë.
Othe has parrunθe o Abraham thë lesqri rromnji i Śara.
11 Thë pala sosθe muǎs o Abraham,
o Del aldindǎs lesqre ćhas le Iźakos.
Vo paśa i xanjik Laxaj-Roj beśǎs.
Ez a mű egy Creative Commons Nevezd meg! - Ne add el! - Ne változtasd! 3.0 licenc alatt van. Másolhatod és terjesztheted a művet bármilyen módon vagy formában. Nem használhatod a művet üzleti célokra.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)