6
1 Phralale hai pheiale,
cana ăc manuș va perela andăc greșala,
tume cai sen mai zurale ando Duho
te vazden les ăc duhosa blîndo!
Hai dich tute ta na peres i tu!
2 Phiraven ăl pharimata iech avresche,
hai cadea cheren e cris le Cristososchi!
3 Pentrucă cana daconiva pacheala că si daicii,
macar că nai chanci,
tharel pes corcoro.
4 Fiosavo te cercetil pi buchi,
hai atunci va avela les sosa te lăudil pes,
hai ta na ciul pi buchi pașa avreschi,
5 că fiosavo si te phiravel pi responsabilitatea corcoro.
So semănil o manuș, codoia va secerila
6 Con lel sicaiimata anda o Cuvînto le Devlesco,
te del anda pe buchea i coles cai sicavel les.
7 Na thardeon:
O Del ni muchel pes te avel hohado.
So semănil o manuș, codoia va secerila.
8 Con semănil te placiol pe firea bezehali,
va secerila andai firea bezehali chernimos.
Dar con sămănil te placiol le Duhos,
va secerila anda o Duho e viața veșnico.
9 Ta na chineos ando cherimos le miștimasco,
că c-e vremea potrivime si te seceris,
cana ni perasa chinimastar.
10 Cadea deci te cheras mișto saorănghe
cabor drom daștis,
dar mai but le fameliache colenghe cai pachean!
O Pavel camel ca on ta na bistren
11 Dichen so literența bare ramosardem tumenghe,
corcoro mîră vastesa!
12 Cola cai camen
te aven dichle catar ăl manuș,
roden te cheren tumen te cinen tumen tele,
ca on ta na aven nașade
andai cauza le trușuleschi le Cristososchi.
13 Pentrucă nici on
cai si cinde tele ni închearen e Cris,
hai camen ca tume te aven cinde tele,
ca on te daștin te lăudin pes tumare truposa.
14 Cabor anda mande,
dur mandar o gîndo
te lăudiv man avre daicesa,
numa le trușulesa amare Raiesco le Isusosco Cristos.
Hai othe e lumea sas răstignime anda mande,
hai me semas răstignime andai lumea.
15 Că ando Cristos Isus nici o cinimos tele,
hai nici o bicinimos tele nai chanci,
hai numa te avel tut rig
anda so cherdeas o Del nevo.
16 Cola cai gian pala cadai regula,
le Israelosa le Devlesco,
te avel e pacea hai e mila.
17 Dacanara angle,
coniva ta na holearen man,
că me phiravav pă muro trupo
ăl semnea le Isusosche!
18 Phralale hai pheiale,
o miștimos amare Raiesco le Isusosco Cristos
te avel tumare duhosa!
Amin.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)