E Sara mulis hai o Avraam chindeas ăc than te prahol lan
23
1 E Sara traiisailis ăc șăl hai biștaiefta bărș.
Cadala bărșa traiisaili e Sara.
2 E Sara mulis ando Kireat-Arba,
mai mișto phendo Hebrono,
ando Them Canaan.
Hai o Avraam ghelos ando corto
te jălil hai te rovel le Sara.
3 O Avraam uștilo angla pi muli
hai dineas duma le ciavența le Hetosche
cadea:
—
4 Me sem ăc străino avilo mașcar tumende.
Den man ăc than prahomasco tumende,
caște prahov mîră mulea,
hai te daștiv te lav mîră mulea angla mande!
5 Ăl ciave le Hetosche phendes le Avraamosche cadea:
—
6 Așun amen,
raia!
Tu san ăc manuș baro le Devlesco mașcar amende.
Prahosar che mulea
andă savo si mai lacio than amendar!
Hai nici iech nai ta na muchel tut
te prahos che mulea
andă lesco than prahomasco.
7 O Avraam uștilo
hai banghilo le mosa che phuv
anglal manuș le themasche,
anglal ciave le Hetosche.
8 Hai dineas duma lența cadea:
— Cana arachen o ciacimos te prahov mîră mulea,
așunen man,
rughin anda mande le Efronos
o ciavo le Țoharesco
9 te del man e peștera Macpela
cai si leschi
hai si ando șăro lesche thanesco!
Andă lache love,
te avel man than prahomasco mașcar tumende!
10 O Efron beșelas tele andăc than le ciavența le Hetosche.
Hai o Efron o hetito dineas anglal le Avraamos
te așunen ăl ciave le Hetosche,
hai te așunen sea cai nachenas ande poarta le foroschi:
—
11 Na,
muro rai,
așun man!
Chiro te avel o than hai i e peștera cai si andă leste!
Dav len tuche angla ăl ciave mîră neamurenghe,
hai prahosar che mulea!
12 O Avraam ciuteas pes le mosa che phuv
anglal manuș le themasche.
13 Hai dineas duma le Efronosche cadea
te așunen ăl manuș le themasche:
— Rughiv tut te așunes man!
Pochinav ciaces cheo than,
le cate ăl love,
te daștiv te prahov mîră mulea othe!
—
15 Muro rai,
așun man!
Ăc cotor phuv ștare șălenghi siclea ruposche,
so si cadala mașcar amende?
a Rughiv tut te prahos che mulea!
16 O Avraam hacheardeas le Efronos
hai cîntărisardea lesche o rupo cai phendea lesche
ando așunimos le ciavengo le Hetosco:
ștar șăla siclea rupo,
sar căl manuș cai bichinen.
17 Hai o than le Efronosco andai Macpela
cai si iech angla avreste le Mamresa,
o islazo hai e peștera anda leste
hai saoră stejarea cai sas andă leste
hai andă sea lesche riga,
nachlos
18 co Avraam angla ăl ciave le Hetosche,
hai angla cola cai nachenas andai poarta le forosco.
19 Pala codoia o Avraam prahosardeas le Sara,
leschi romni,
ande peștera cai si ando islazo Macpela,
cai si iech angla avreste le Mamresa,
mai mișto phendo Hebron,
ando Them Canaan.
20 Hai cadea o islazo hai e peștera anda leste
sas zurearde le Avraamosche
ca than anda prahomaste
catar ăl ciave le Hetosche.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)