Colaver ciave le Avraamosche
25
1 O Avraam mai lileas pesche ăc romni
cai buciolas Chetura.
2 Oi cherdea lesche le Zimranos,
le Iocșanos,
le Medanos,
le Madianos,
le Ișbacos hai le Șuahos.
3 O Iocșano cherdea le Sebas hai le Dedanos.
Ăl ciave le Dedanosche sas ăl așurimi,
ăl letușimi hai ăl leumimi.
4 Ăl ciave le Madianosche sas o Efa,
o Efer,
o Enoh,
o Abida hai o Elda.
Sea cadala sas ăl ciave le Cheturache.
5 O Avraam dinea sea so les sas les
co Isac.
6 Colaver ciaven cai sas avre romneanța
o Avraam dinea len daruri,
hai cabor ov sas giuvindo,
dureardea len pașa peo ciavo Isac,
catar înclel o cham,
ando Them Chedem.
O mulimos le Avraamosco
7 Ăl ghesa le Avraamosche cai ov traiisailos
sas ăc șăl hai ieftadeșa hai pangi bărș.
8 O Avraam dinea peo duho
hai mulos pala ăc șucar phurimos,
phurano andăl bărșa hai ciailo ghesendar,
hai sas ciutino ando rîndo pe phurengo.
9 O Isac hai o Ismael,
lesche ciave,
prahosarde les ande peștera Macpela
cai si iech angla avreste le Mamresa,
ando islazo le Efronosco
o ciavo le Țoharesco,
o hetito.
10 Cadava si o islazo cai chindea les o Avraam
catar ăl ciave le Hetosche.
Othe sas prahome o Avraam
hai leschi romni e Sara.
11 Pala soste mulos o Avraam,
o Del binecuvintisardea lesche ciaves
le Isacos.
Ov beșelas pașai haing Lahai-Roi.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)