O Isus angla o Pilat
23
1 Uștiles cu sea hai îngheardes le Isusos angla o Pilat.
2 Hai începosailes te den duma iagasa contra leschi:
— Cadal manușăs arachleam les
cai sicavel amare poporos ăc drom cai nai lacio.
Phenel ta na pochinas taxe le bare thagaresche
hai phenel că ov si o Cristos,
ăc thagar.
3 O Pilat pușlea les:
— San tu o thagar le evreengo?
O Isus dinea les anglal:
— Cadea sar phenes tu.
4 O Pilat phendeas le bare rașaienghe
hai le bute manușănghe chidine:
— Me ni arachav nici ăc doș ando manuș cadava.
5 Dar on mai but stăruiinas hai phenenas:
— Ațîțol o poporo pe sicaiimasa andă saorî Iudeea.
Începosailos ande Galileea hai areslos gi cathe.
O Isus angla o Irod
6 Cana o Pilat așundeas andai Galileea,
pușleas cana o Isus si galileeano.
7 Hai cana așundeas
că si anda o thagarimos le Irodosco,
dinea les drom co Irod,
savo andăl ghesa codola sas i ov ando Ierusalimo.
8 Cana o Irod dichleas le Isusos,
but bucurisailos,
că dămult camelas te dichel les,
căci așundeasas anda leste
hai sperilas te dichel dac minunea cherdi lestar.
9 Pușlea les but pucimata,
dar o Isus ni dinea les chanci anglal.
10 Ăl bare rașaia hai ăl sicaiitorea le Crisache
beșenas othe hai iagasa denas duma contra leschi.
11 O Irod pe soldațența nasul phiradiles lesa
hai păce marde pesche joco lestar
hai hureade les ăc hainasa thagareschi,
dine les drom palpale co Pilat.
12 Ando ghes codova,
o Irod hai o Pilat cherdineailes amal iech avresa,
că mai anglal sas dușmaia.
O Pilat camel te del o drom le Isusosco, dar si lesche dar
— Anden angla mande cadal manușăs
sar ieches cai sicavel le poporosche
ăc drom cai nai lacio.
Hai ita că pușlem les cathe,
angla tumende,
hai ni arachlem les doșalo
catar ăl buchea anda save phenden contra leschi.
15 Nici o Irod ni arachlea les doșalo,
căci dinea les amenghe drom parpale.
Pala sar dichen,
ni cherdeas chanci caște mudaras les.
16 Cadea că,
păce ciava te maren les,
va mucava les te telearel.
17 (Că fiosavo ghes baro le Nachimasco,
o Pilat trăbulas te del o drom ăc phandadesco.)a
18 Dar saoră manuș dine mui:
— Mudar cadal manușăs
hai anda amende de o drom le Barabasco!
19 Cadava sas phandado
că sas andăc răscoala ando foro
hai că mudardeasas dacanicas.
20 O Pilat pale dinea lenghe duma,
că camelas te del o drom le Isusosco.
21 Dar on denas mui:
— Răstignisar les,
răstignisar les!
22 O Pilat phendea lenghe i le trinengo drom:
— Dar so nasul cherdeas?
Me ni arachlem andă leste nici ăc doș caște merel.
Cadea că păce ciava te maren les,
va mucava les te telearel.
23 Dar on sea zbărînas ando mui o zuralo
manghindos ca o Isus te avel răstignime.
Hai zbărîsardes cadichi dă zurales că
24 o Pilat hotărîsardeas te cherdeol pes so mangles.
25 Dineas o drom le manușăsco
cai sas phandado că sas andăc răscoala
hai că mudardeasas dacanicas,
hai saves manghenas les on.
Dar le Isusos dinea les andă lenghe vast,
caște cheren lesche so camen.
O merimos le Isusosco
O drom cai înghearelas co trușul
26 Ando timpo so înghearenas les te răstignin les,
ciutes o vast po Simon,
ăc manuș anda o foro Cirena,
savo avelas catar o cîmpo,
hai ciute lesche o trușul păl zeea
te înghearel les pala o Isus.
27 But manuș gianas pala o Isus,
hai giuvlea save jălinas les hai rovenas les.
28 O Isus boldineailos caring lende hai phendeas:
— Ceea le Ierusalimosche,
na roven man man,
hai roven anda tumende hai anda tumare ciave!
29 Că dichen,
va avena ghesa cana va phendeola pes:
«Bahtalea si ăl giuvlea
save ni daștin te avel len ciave,
ăl giuvlea save ni cherdes hai ni dines ciucii!
30 Atunci ăl manuș va începona te phenen le munțenghe:
‘Peren pă amende!’,
hai va phenena le plaienghe:
‘Uciaren amen!’b»
31 Căci cana cherdeon pes cadal buchea le dafinosche zeleno,
so va cherdeola le șuchesche?c+ \fr 23:31 \ft O originalo mai daștil te hacheardeol: „Căci cana cherdeon pes cadal buchea le caștesa chingo, so va cherdeola colesche șuco?”\f*
E răstignirea le Isusoschi
32 Înghearenas i dui manuș cai cherdesas nasul,
te aven mudarde lesa.
33 Cana aresles co than
cai buciolas „O Cocalo le Șăresco”,
răstignisardes othe le Isusos
hai le manușăn cai cherdes nasul:
iech che ciacii,
hai iech che stîngo.
34 O Isus phenelas:
— Dade,
iertisar len,
că ni gianen so cheren!
Ăl soldațea dines le zalosa anda lesche haine
hai hulade len mașcar peste.
35 O poporo beșelas othe hai dichelas.
Ăl bare le poporosche marenas pesche joco catar o Isus:
— Avren hastradeas;
te hastravel pes,
cana ov si o Cristos,
saves alosardea les!
— Cana tu san o thagar le evreengo,
hastra!
38 Opral pa leste sas ramome:
„Cadava si o thagar le evreengo.”
39 Iech andal dui manuș
cai cherde nasul hai sas răstignime,
delas duma leschi contra:
— Ni san tu o Cristos?
Hastra tu,
hai hastra amen i amen!
40 Dar coaver mustrosardea les:
— Ni daras catar o Del,
că sanas condamnime te meres,
sar leste?
41 Hai anda amende si ciacimos,
că primis so meritis anda so cherdeam.
Dar o manuș cadava ni cherdeas chanci nasul.
42 Hai phendeas:
— Isuse,
na bistar man cana va avela cheo thagarimos!
43 O Isus dineas anglal:
— Phenav tuche ciaces
că aghes va avesa manța ando raio.
O Isus merel
44 Sas căl deșudui o ghes,
cana cherdilos tunearico andă saoro them,
gi căl trin pala ăl deșudui,
45 hai o cham ni mai luminilas.
E perdeaua andral anda o Templo
cindineailis andă dui.
46 O Isus dineas mui zurales:
— Dade,
andă che vast dav muro duho!
Hai cana phendeas cadal vorbe,
mulos.
47 Cana o comandanto dichleas so cherdineailos,
slăvisardeas le Devles:
— Ciaces,
o manuș cadava sas ciacio!
48 Hai saoră manuș cai chidineailes te dichen e răstignirea,
cana dichles so cherdineailos,
gheles chere hai marenas pes ando colin.
49 Saoră pringiande le Isusosche
hai ăl giuvlea cai aviles lesa andai Galileea
beșenas dur hai vardinas.
O prahomos le Isusosco
50 Sas ăc manuș cai buciolas Iosif,
andai Arimateea,
ăc foro andai Iudeea,
kai sas ando consilo le evreengo,
manuș lacio hai ciacio,
51 savo nas dă acord le hotărîreasa le consiloschi
te mudaren le Isusos
hai sosa cherdes on,
hai ajuchearelas o thagarimos le Devlesco.
52 O manuș cadava ghelos co Pilat
hai mangleas o trupo le Isusosco.
53 Păce dineas tele lesco trupo,
pacheardea les andăc pînza inoschi
hai ciutea les andăc than prahomasco
săpime ande stînca,
andă savo ma nas ciutino coniva.
54 Sas paraștuii hai începolas o savato.
55 Ăl giuvlea cai avilesas le Isusosa andai Galileea
gheles pala o Iosif
hai dichles o than le prahomasco
hai sar sas ciutino o trupo le Isusosco andă leste.
56 Risailes chere
hai pregătisardes ulei cai chandel hai chandimata.
Hai savatone hodinisailes,
sar phenel e Cris.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)