O salmo 110
O Rai hai lesco thagar alome
Ăc ghili le Davidoschi
1 O Rai phendeas mîră raiesche:
„Beș că mîrî ciacii,
gi cana va ciava che dușmaien sar ăc scăunelo pă save hodinis che pîrne!”
2 O Rai va întinzola anda o Siono e rovli che zuralimaschi phenindos:
Stăpînisar che dușmaien cai înconjurin tut!
3 Cheo poporo si gata cana gias co marimos,
strălucindos sfințeniatar,
aves sar o ciavo le deteherinaco.
Si tut e roua che tărnimaschi.a
4 O Rai haleas sovel
hai ni va fala les nasul:
„Tu san rașai pentru totdeauna,
sar o Melhisedec.”b
5 O Rai si că chi ciacii,
hai ando ghes cana va holeaola,
va închearela thagaren.
6 Va cherela ciacimos mașcar ăl neamuri,
hai va pherela len mulendar,
va închearela șăre pă saoră phuv.
7 O thagar va pela anda o rîuo pașa o drom,
codolasche va vazdela peo șăro.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)