O salmo 53
O dilimos le manuśängoa
Karing o maj baro le muzikancenqo. Äk maxalato.b Äk gili le Davidosqi.
1 O dilo phenel anθä pǒ ilo:
„Naj Del!”
Rimosajles äl manuś,
kerdes rimomata nasul,
naj nić jekh kaj te kerel miśto.
2 O Del dikhel anθa o ćeri p-äl ćhave le manuśänqe,
kaśte dikhel kana si da jekh savo si gogǎça,
savo te rodel le Devles.
3 Dar sǎ dine pes rigaθe,
sǎ anθ-äk than rimosajles,
naj nić jekh kaj te kerel miśto,
naj nić jekh.
4 „Ma naj len gogi kolen kaj keren bezex?
Xan mïrä poporos sar xan o marno,
haj ni den muj le Devles.”
5 Te izdran daraθar,
kjar kaj ni träbulas te daran,
kä o Del ćhudel anθä saorä riga
äl kokalǎ kolenqe kaj aven kontra kiri,
keres len laʒavesqe,
kä o Del ćhudǎ len pesθar.
6 Kas va dela drom anθa o Siono
kaśte xastravel le Israelos
kana o Del va binekuvintila pale pe poporos?
Te bukuril pes o Jakov,
te avel ferićime o Israel!
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)