O salmo 101
Sar träbul te avel o guverno anθ-o foro le Rajesqo?
Äk gili le Davidosqi
1 Mïrï gili te avel anθa o miśtimos haj o ćaćimos,
tuqe,
Raja,
va gilabava tuqe.
2 Si te phiradǒv gogǎça p-äk drom bidośako.
Kana va avesa manθe?
Va phiradova le ileça uźo
anθä muro kher.
3 Naj te ćhav angla mïrä jakha khanć
kaj si khanćesqo.
Urov äl fapte kolenqe kaj bolden äl zeja le Devlesqe:
on ni va lipina pes manθar!
4 O ilo kerno de rimome si te goniv les,
ni kamav te avel man khanć le nasulimaça.
5 Kolen kaj den duma dä nasul garade avren
va phandavava lenqo muj,
kolen kaj dikhen opral haj si lenqo ilo ïngïmfome,
va dava len avri.
6 Va alova manuś pakǎmasqe anθa o them
kaśte aven paśa manθe,
numa kola kaj phiren p-äk drom uźo,
on va sluźina manqe.
7 Kola kaj tharen
ni va beśena anθä muro kher,
kola kaj xoxaven
ni va aćhona angla ma.
8 Anθä fiosavi detexerin kana krisov
va phandavava o muj
saoränqo kaj keren nasul anθ-o them,
kaśte xastrav anθa o foro le Rajesqo
saoränθar kaj keren bezex.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)