O salmo 142
De muj k-o Del!
Äk gili le Davidosqi, kana sas anθ-e peśtera, äk rugäćunǎ.a
1 Anθ-o muj o baro dav muj k-o Raj,
anθ-o muj o baro mangav mila kaθar o Raj.
2 Ćorav muro roimos angla lesθe,
dav duma anθa muro pharimos angla lesθe.
3 Kana muro duxo läśinil anθä manθe,
tu vardis pä muro drom.
P-o drom pä savo phirav
ćhutǎ pes äk kapkana anθa manθe.
4 Dikh kä mïrï ćaći,
haj dikh kä naj konik,
konik ni aźutil man!
Naj man kaj te xastrav,
koniva ni kamel te ʒanel manθar.
5 Raja,
karing tuθe dav muj!
Phenav:
tu san mïrï azävada,
sǎ so kamav pe phuv kadaja.
6 Le sǎma kana dav muj,
kä sem perado dä sǎ!
Xastra man kaθar kola kaj naśän pala manθe,
kä si maj zurale dä sar manθe!
7 Ïnkal man anθa o phandaimos,
kaśte naiv ke anavesqe!
Atunć äl ćaće va kidina pes paśa manθe,
kä si te keres manqe miśto.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)