O salmo 148
Te läudin le Rajes sǎ so kerdǎs ov!
1 Te läudin le Rajes!
a
Te läudin le Rajes anθa o ćeri!
Te läudin les anθ-äl thana uće!
2 Te läudin les,
saorä ïnʒerǎ lesqe!
Te läudin les,
saorä ośtiri lesqe!
3 Te läudin les tume,
khama haj ćhonot!
Te läudin les,
saorä stjale kaj luminin!
4 Te läudin les tu,
ćeronǃa,
kaj san maj baro,
haj tume,
paja kaj san maj opre dä sar o ćeri!
5 Te läudin o anav le Rajesqo,
kä ov porunćisardǎs,
haj sas kerde!
6 Ćhutǎ len anθä lenqo than te aven othe totdjauna.
Dinǎ len äk krisimos kaj ni va nakhela.
7 Te läudin le Rajes paj phuv,
bare ʒuvindimata le bare pajesqe,
haj saorä adïnkuri!
8 Jag haj brïśïnd baräça,
iv haj ćjaca,
braval zurali kaj keres so phenel ov!
9 Munci haj saorä plaja,
dafǎ kaj keren rodo haj saorä ćedrǎ,
10 ʒuvindimata sälbatićǎ
haj saorä animalǎ paśa o kher,
animalǎ cïjne haj ćiriklǎ phakǎnça,
11 äl thagara le phuǎqe haj saorä poporǎ,
äl maj bare haj saorä bare krisitorǎ pe phuv,
12 tärne haj tärnǎ,
phure haj ćhave!
13 On te läudin o anav le Rajesqo!
Kä numa lesqo anav si baro,
lesqi slava si opral paj phuv haj poa ćeri.
14 Ov kerdǎs pe poporos zuralo:
kaśte läudin les kola savenqi mila aćhol karing lesθe:
äl israelicǎ,
o poporo paśa lesθe.
Läudin le Rajes!b
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)