122
Hai te gias ko kher le Raiesko hai te rughis amen anda leste!
Ăk ghili kana uștenas ko Ierusalimo. Ăk ghili le Davidoski.
1 Bukurisailem kana phendineailos manghe:
„Te gias ko kher le Raiesko!”
2 ⸤Hai akanak⸥ amare pîrne beșen andră, kă ke porți, Ierusalime.
3 O Ierusalimo si vazdino sar ăk foro
kai kiden pes ăl manuș andăk than.
4 Kathe ușten ăl neamuri,
ăl neamuri kai înkinon pes le Raieske,
kaște lăudin lesko anav,
pala sar poruncisardeas le Israeloske.a Deuteronomo 16:16-17
5 Kathe beșen păl skauia le thagarimaske
ăl ciave le Davidoske,
kaște krison le poporos.
6 Rughin tume andai pacea le Ierusalimoski:
„Kolen kai iubin tut, Ierusalime, te avel len liniștea!
7 E pacea te avel mașkar ke ziduri
hai e liniștea andă ke khera bare hai zurale!”
8 Ando drago mîră phralengo
hai mîră amalengo phenav:
„Te avel pacea andă tute!”
9 Ando drago le kheresko le Raiesko, amare Devlesko,
rughiv man anda keo miștimos.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.