O Iezușis opre tamodinel
20
1 An kurko dies i Maria katha Mogdola
ghiea iokor tosarra ko șiros
the dikhea ke o barr fere haslo lilo katho șiros.
2 Kide ke nașea ko Șimon Peter the ka kokover tonitvaniis,
savo dragon has le Iezușeske,
the phendea lenghe:
— Lighinde le raias andra șiros,
the na gianas,
ke kai ciude les!
3 Kide ke o Peter the okover tonitvaniis
ari ghile the ghile karig o șiros.
4 Nașle o leduia an iekhate,
the okover tonitvaniis nașea mai sigo sar o Peter,
the eșövon risea ko șiros.
5 Tele bandiieas the dikhea o lepedövi,
de na ghiea andre.
6 Okor o Șimon Peter,
savo pala leste aviea,
te vo risea,
the andre ghiea an șiros,
the dikhea ke o lepedövi kode hine.
7 The o khosno,
savo has ciudo pe le Iezușeskro șero,
na haslo an iekhate le lepedövonența,
honem külen haslo iekhetane hhuno.
8 Okor andre ghiea okover tonitvaniis,
savo eșövon risea ko șiros,
dikhea the patteanea.
9 Ke inke na ertinde o Iribo,
ke o Iezușis opre kampiea te tamodinel andra meribo.
10 Okor o tonitvanea khere ghile.
O Iezușis sikavel pes la Mariake katha Mogdola
11 The i Maria ari acelas pașo șiros roiindor.
The sar rovelas,
tele bandiiea ko șiros.
12 The dikhea duie ondeolan an parne rizes,
save tele hasle beșle an kodo than,
kai haslo ciudo anglal ode le Iezușeskro teștos.
Iekh has beșlo kai has leskro șero,
the iekh haslo ka leskre pungre.
13 The phende lake:
— Giuie,
sostar roves?
Voi phendea lenghe:
— Vaș kode ke lighinde morre raias,
the na gianav ke kai ciude les.
14 Pala soste phendea kala,
pale riseiiea the dikhea le Iezușes kai kode acel,
de na gianghea ke o Iezușis hin.
15 Phendea lake o Iezușis:
— Giuie,
sostar roves?
Kas rosares?
Voi ghindindea ke o kertesis hin,
the ode phendea leske:
— Raia,
dake tu lighindean les,
phen manghe kai ciunean les,
kai te giav te lav les.
16 Phendea lake o Iezușis:
— Mario!
Voi pale riseiiea the phendea leske,
pe le jidovonengri cib:
— Robboni!
— Na niiker man pale,
ke inke na ghieom opre ka morro Dad.
Gia ka morre phrala the phen lenghe,
ke opre giav ka morro Dad the ka tumaro Dad,
ka morro Del the ka tumaro Del!
18 I Maria katha Mogdola ghiea
the phendea le tonitvaneonenghe:
— Dikheom le Raias.
The phendea lenghe so phendeas o Iezușis.
O Iezușis sikavel pes peskre tonitvaneonenghe
19 Se an kodo kurko,
kana retii has,
pe kana o udara phangle hasle
kode kai an iekhate has o tonitvanea,
ke darane katha le jidovonengre vezetővi,
aviea o Iezușis.
Aciea mașka lende the phendea lenghe:
— Bekeșșegos te avel tumen!
20 Pala soste phendea lenghe kede,
sikadea lenghe peskre vasta the peskro pașvaro.
Kide ke okor o tonitvanea örvendinde,
ke dikhle le Raias.a
21 Kide ke o Iezușis phendea lenghe inke iekhar:
— Bekeșșegos te avel tumen!
Kide sar man tranea man morro Dad,
kide tradav te me tumen.
22 Pala so phendea kede,
phurnea pe lende the phendea lenghe:
— Len le Sent Lelkos!
23 Kolenghe kaske bociatinena lengre bűnii,
bociatimen avena,
the kolenghe savenghe na bociatinena lengre bűnii,
na avena bociatimen.
O Iezușis sikavel pes le Tamașeske
24 O Tamaș,
savo mai biciolas Ikre,
iekh mașko deșudui,
na has lența kana aviea o Iezușis.
25 Kide ke kokolavera tonitvanea phende leske:
— Dikheam le raias!
The vo phendea lenghe:
— Dake na dikhoho pe leskre vasta le kerfengro than,
dake na cioho morro angușno an le kerfengro than,
the dake na cioho morro vast an leskro pașvaro,
na patteoho șohan.
26 Pala iekh kurko mai keșön,
le Iezușeskre tonitvanea pane an kher hasle,
the lența has te o Tamaș.
Pe kana o udara phangle has,
aviea o Iezușis,
an mașkar aciea the phendea lenghe:
— Bekeșșegos te avel tumen!
27 The phendea le Tamașeske:
— Ciu tro angușno akai the dikh morre vasta!
Niiker tro vast akai the ciu an morro pașvaro!
Na av hitetlenon,
honem pattea!
28 O Tamaș phendea:
— Morro Rai the morro Del!
29 Phendea leske o Iezușis:
— Vaș kode ke dikhean man,
patteanean.
Bahhtale hin kola,
save na dikhle man the pattean.b
Ez a mű egy Creative Commons Nevezd meg! - Ne add el! - Ne változtasd! 3.0 licenc alatt van. Másolhatod és terjesztheted a művet bármilyen módon vagy formában. Nem használhatod a művet üzleti célokra.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)