O salmo 127
Khanci bi le Raiesko
Ăk ghili kana uștenas ko Ierusalimo. Ăk ghili le Solomonoski.
1 Kana o Rai ni zidol ăk kher,
anda khanceste keren buki kola kai zidon.
Kana o Rai ni păzil ăk foro,
anda khanceste ni soven kola kai păzin les.
2 Anda khanceste tume ușten detehara andai reat,
hai soven tîrzio hai keren buki phari anda tumaro marno.
Ciaces,
ov del len marno ande lindri kolen kas iubil.
3 Ita kă ăl ciave si ăk daro katar o Rai,
o rodo le pîntekosko si pokin lestar.
4 Sar ăl săgeț ando vast ăk manușăsko zuralo,
kadea si ăl ciave kerde kăl tărnimata.
5 Bahtalo si o manuș kai pherel pi tolba lența,
kă nai te avel lenghe lagiavo
kana den duma pe dușmaența ke kris
ande poarta le foroski.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)