O salmo 127
Khanć bi le Rajesqo
Äk gili kana uśtenas k-o Jerusalimo. Äk gili le Solomonosqi.
1 Kana o Raj ni zidol äk kher,
anθa khanćesθe keren buki kola kaj zidon.
Kana o Raj ni päzil äk foro,
anθa khanćesθe ni soven kola kaj päzin les.
2 Anθa khanćesθe tume uśten detexara anθa-i rǎt,
haj soven tïrzio haj keren buki phari anθa tumaro marno.
Ćaćes,
ov del len marno anθ-e lindri kolen kas jubil.
3 Ita kä äl ćhave si äk daro kaθar o Raj,
o rodo le pïntekosqo si pokin lesθar.
4 Sar äl säʒec anθ-o vast äk manuśäsqo zuralo,
kadǎ si äl ćhave kerde k-äl tärnimata.
5 Baxtalo si o manuś kaj pherel pi tolba lença,
kä naj te avel lenqe laʒavo
kana den duma pe duśmaença ke kris
anθ-e poarta le forosqi.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)