O salmo 2
O thagar, o ciavo le Devlesko
1 Soste den duma cioreal ăl neamuri,
ăl poporea soste keren planuri kai ni daștin te keren len?
2 Ăl thagara le phuiake ușten,
ăl stăpîia den pes duma
kontra le Raieski
hai kontra koleski saves makhlea les te avel thagar:
3 „Te cinas lenghe lanțuri,
te hastras amen katar lenghe șăle!”
4 Kova kai beșel ando ceri po skauno le thagarimasko asal,
o Rai marel peske joko lendar.
5 Pala kodoia,
andă lesko holearimos,
del lenghe duma,
nasul darael len pe bare holeasa hai phenel:
6 „Me korkoro ciutem
mîră thagares po Siono,
muro plai o sfînto.”
7 O thagar phenel:
„Si te phenav o krisimos le Raiesko.
Phendea manghe:
«Tu san muro ciavo!
Aghes kerdem tut.
8 Mang manghe te kerav ki rig le neamuren,
ăl riga le phuiake te aven kire.
9 Va înkhearesa len ăk rovleasa sastreski,
va pharaesa len sar ăk piri phuiaki.» ”
10 Hai akanak,
thagarale,
aven gogheasa!
Avel tumen grija,
krisitorea le phuiake!
11 Slujin darasa le Raieske
hai den mui izdrandos!
12 Den cinstea le ciaves!
a
Aver felo va holeaola,
hai si te hasaon po drom.
Kă leski holi sigo lel iag!
Fericime si sea save roden azăvada leste!
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)