O salmo 2
O thagar, o ciavo le Devlesco
1 Soste den duma cioreal ăl neamuri,
ăl poporea soste cheren planuri cai ni daștin te cheren len?
2 Ăl thagara le phuiache ușten,
ăl stăpîia den pes duma
contra le Raieski
hai contra coleschi saves machlea les te avel thagar:
3 „Te cinas lenghe lanțuri,
te hastras amen catar lenghe șăle!”
4 Cova cai beșel ando ceri po scauno le thagarimasco asal,
o Rai marel pesche joco lendar.
5 Pala codoia,
andă lesco holearimos,
del lenghe duma,
nasul darael len pe bare holeasa hai phenel:
6 „Me corcoro ciutem
mîră thagares po Siono,
muro plai o sfînto.”
7 O thagar phenel:
„Si te phenav o crisimos le Raiesko.
Phendea manghe:
«Tu san muro ciavo!
Aghes cherdem tut.
8 Mang manghe te cherav chi rig le neamuren,
ăl riga le phuiache te aven chire.
9 Va închearesa len ăc rovleasa sastreschi,
va pharaesa len sar ăc piri phuiachi.» ”
10 Hai acanac,
thagarale,
aven gogheasa!
Avel tumen grija,
crisitorea le phuiache!
11 Slujin darasa le Raieske
hai den mui izdrandos!
12 Den cinstea le ciaves!
a
Aver felo va holeaola,
hai si te hasaon po drom.
Că leschi holi sigo lel iag!
Fericime si sea save roden azăvada leste!
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)