🏠 <     Alfabeto rromano o internacionalo     Alfabeto le literasa „k”
  <     Galateni     1     >  
O lil caring ăl galateni
O saluto le Pavelosco
1
1 O Pavelo cherdo apostolo,
na catar ăl manuș,
hai nici ni sicadeas man dac manuș,
numa o Isus Cristos,
hai o Del o Dad,
cai vazdeas les anda ăl mule,
2 hai saoră phral cai si manța:
caring ăl changherea andai Galația.
3 O miștimos hai e pacea tumenghe
catar o Del amaro Dad
hai catar o Rai o Isus Cristos!
4 Ov dineas pes anda amare bezeha
te hastravel amen
anda cala nasul giungale bărșa,
sar camnos o Del amaro Dad.
5 Lesche si o barimos
acanac hai orcana.
Amin.
Nai aver evanghelia
6 Miriv man cabor dă sigo
dureon catar Cova cai dineas tumen mui
ando miștimos le Cristososco
că aver evanghelia
7 cai nai ciacii.
Numa că si manuș cai rimon tumen
hai camen te paruen e evanghelia le Cristososchi.
8 Dar cana ame sau ăc îngero anda o ceri
te avela te phenel tumenghe aver evanghelia
de sar cai ame phendeam lan,
te avel dino armaia pentru totdeauna.a
9 Sar phendeam mai anglal,
pale phenav acanac:
„Cana daconiva phenela tumenghe aver evanghelia
cai ni avela sar coia cai lilen lan,
te avel dino armaia pentru totdeauna.”
O Pavelo sas cherdo apostolo catar o Cristos
10 Acanac camav
ca ăl manuș te phenen dă mișto anda mande
sau o Del?
Sau rodav me te placiov le manușăn?
Cana mai rodava te placiov le manușăn,
ni mai sem o robo le Cristososco.
11 Phralale hai pheiale,
camav te gianen că e evanghelia
cai me dav la duma,
nai catar ăl manuș,
12 că ni lilem lan
hai nici ni sichilem lan manușăstar,
dar sicadilos manghe o Isus Cristos.
13 Că așunden so cheravas me mai anglal,
cana pacheavas ande religia le iudeienghi.
Sar cheravas baro nasulimos
hai phandavas le changherea le Devleschi
te stîrpiv lan.
14 Bareovas ande religiia le iudeienghi
mai but de sar cola cai sas manța
andăl bărșa
hai ando muro neamo.
Hai camnem te ciav saoră ilo
te cherav ăl obiceia mîră phurenghe.
15 Dar o Del ciutea man rigate
dă cana semas ando păr mîră daco,
hai dinea man mui andă peo miștimos,
16 pentrucă
ov camnos te sicavel manghe pe Ciaves,
me te phenav avre neamurenghe anda leste.
Atunci ni beșlem
te dav duma nici ăc manușăsa,
17 nici ni ghelem ando Ierusalimo
colende cai sas apostolea mai anglal mandar.
Sigo teleardem ande Arabia,
hai boldineailem palpale ando Damasco.
18 Pala trin bărș uștilem ando Ierusalimo
te pringianav le Chifas
b hai acilem leste deșupangi ghes.
19 Dar ni dichlem nici ieches
andal colaver apostolea,
numa le Iacovos, o phral le Raiesco.
20 Andă so ramov tumenghe,
dich,
angla o Del,
ni hohavav.
21 Pala codoia ghelem andăl Thema le Siriache hai le Ciliceache.
22 Dar ăl changherea le Cristososche
cai si ande Iudeia
încă ni dichlesas man.
23 On numa așundes:
„O manuș cai phandelas amen
hai cherelas amenghe nasul,
acanac del duma anda o pacheamos,
cai mai anglal camelas te stîrpil les.”
24 Hai on barearenas le Devles
anda mîrî cauza.