O Avram pacheal ando Rai
15
1 Pala cadala buchea
o Rai sicadilos le Avramosche andă iech dichimos,
hai phendeas:
— Na dara,
Avrame!
Me sem cai păziv tut
a hai me sem chiro but baro opral pochinimos.
2 O Avram phendeas:
— Raia Devla,
so des man?
Că me si te merav
hai nai man ciave.
Hai codova cai lela mîră buchea
si o Eliezer anda o Damasco.
3 Dich,
man ni dean man ciave.
Hai o robo anda muro cher lela mîră buchea.
4 Atunci o lav le Raiesko phenel lesche:
— Na cadava si te lel chire buchea,
hai codova cai înclela anda tute,
codova lela chire buchea.
5 Hai o Rai încaladea les avri hai phendeas:
— Dich o ceri!
Ghin ăl steale,
te daștisa te ghines len!
Cadea but si te aven codola save înclena anda tute.
6 Hai ov pacheaias ando Rai.
Hai o Rai socotisardea lesche cadaia sar ciacimos.
O Rai cherdeas ăc phanglimos le Avramosa
7 O Rai phendea le Avramosche:
— Me sem o Rai
savo încaldea tut anda o Ur le caldeiengo
te dav tut cadava than te avel chiro.
—
9 Le anda mande iech gurumni trine bărșenghi,
ăc buzni trine bărșenghi
hai iech bracho trine bărșengo,
ăc turturica hai iech tărno porumbelo!
10 Hai ov leas lesche sea cadala
hai cindea len po mașcar.
Hai ciutea len ăl epașa fiosavesche
iech angla avreate,
hai le ciriclean ni cindea len.
11 Hai avile bare hașbale ciriclea,
hulisardes po mas mulo,
hai o Avram dureardea len.
12 Cana te perel o cham,
iech phari lindri peli po Avram.
Hai ita,
ăc calimos reateaco
hai ăc bari dar peli po Avram.
13 Hai o Rai phendea le Avramosche:
— Te gianes ciaces
că ăl ciave che ciavenghe
si te beșen andăc them savo nai lengo,
hai si te cheren buchi ando neamo codova
hai si te beșen astarde ștar șăla bărș.
14 Hai codole neamos savesche cherena buchi
crisiva les me,
hai pala codola
on înclen othar bare barvalimasa.
15 Hai tut si te avel tut ăc merimos șucar,
hai si te aves prahome că ăc lacio phurimos.
16 Hai le ștarengo neamo si te avel palpale cate,
că nai pherdo o bezeh le amorițengo gi acanac.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)