E Agar hai o Ismael
16
1 E Sarai e romni le Avramoschi ni cherdeas lesche nici ăc ciavo.
Lan sas la ăc roaba egipteanca po anav Agar.
2 Hai e Sarai phendea le Avramosche:
— Dich,
o Rai ni muclea man te cherav ciave.
Rughiv tut te gias că mîrî roaba,
cadea daștiv te avel man ciave latar!
O Avram așundeas so phendeas e Sarai.
3 E Sarai e romni le Avramoschi lileas le egipteanca Agar,
pe roaba,
hai dea lan dă romni pe romesche le Avramosche,
pala so o Avram beșlos deș bărș ando Them Canaan.
4 Ov ghelos che Agar hai oi acilis chamni.
Cana oi dichlea pes chamni,
dichleas opral pe stăpînca.
5 Hai e Sarai phendea le Avramosche:
— Tu san doșalo soste cherdilo pe manghe!
Me dinem mîrî roaba andă chiri angali,
hai cana oi dichlea că acili chamni,
dichlea man opral.
O Rai te cherel cris mașcar amende!
6 O Avram phendeas palpale le Saraiache:
— Dich,
chi roaba si andă cheo vast.
Cher lache so tu cames!
Hai e Sarai phiradilis nasul lasa,
hai e Agar nașlis latar.
7 Hai o Îngero le Raiesko arachlea lan
pașai haing ande mulani,
pașa o drom cai înghearel co Șur.
8 Ov phendeas:
— Agar,
e roaba le Saraiachi,
catar aves hai cai gias?
— Nașav catar mîrî stăpînca,
Sarai.
—
9 Bolde tut că chiri stăpînca
hai așun latar,
beș telal laco vast!
10 Si te barearav but che ciaven,
si te aven cadea dă bare
că ni daștin te aven ghinde.
11 Dich,
acanac san chamni.
Si te biandesa ăc ciavo
hai si te cius lesco anav Ismael,
b că o Rai așundea chi duch.
12 Ov si te avel sar ăc hăr sălbatico
mașcar ăl manuș.
Lesco vast si te avel vazdino caring sea ăl manușa
hai o vast saoră manușăngo si te avel vazdino caring leste,
hai si te avel corcoro bi phralengo.
13 Hai oi ciuteas o anav le Raiesko cai dea lache duma:
— Tu san o Del cai dichel man.
Că oi phendeas:
— Ciaces?
Cate me dichlem codoles cai dichlea man!
14 Codolasche e haing codoia buciol Lahai-Roi:
— E haing Coleschi cai si giungado hai dichel.
Oi si mașcar o Cadeș hai o Bared.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)