O salmo 130
Muro sufleto aźukǎrel le Rajes!
Äk gili kana uśtenas k-o Jerusalimo.
1 Anθa-l adïnkuri dav tut muj,
Raja!
2 Raiǃa,
aśun muro glaso!
Ke kan te len sǎma kana dav muj anθa aźutoresθe!
3 Te afi ïnkǎresas gogi äl bezexa,
Raja,
kon daśtilas te beśel anθä pïrnenθe,
Raiǃa?
4 Dar tuθe si jertarǎ,
kadǎ kä äl manuś daran tuθar.
5 Aźukǎrav le Rajes,
muro sufleto aźukǎrel
haj speriv kä va kerela so phendǎs.
6 Muro sufleto aźukǎrel le Rajes maj but dä sar äl sträźerǎ e detexerin,
da,
maj but dä sar äl sträźerǎ e detexerin.
7 Israel,
pakǎ kä o Raj va kerela so phendǎs,
käć k-o Raj si mila kaj aćhol,
haj ov si gata te pokinel anθa amenθe totdjauna!
8 Numa ov va pokinela anθa o Israelo anθa saorä bezexa lesqe.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)