51
Ăk rugăciunea iertimaski
(Karing o mai baro le muzikanțengo. Ăk ghili le Davidoski. Kana avilos leste o prooroko Natan,a 2 Samuel 12:1-15 pala so o David ghelosas ke Bat-Șeba.)
1 Te aves lacio manța, Devla,
anda kodoia kă ki mila aciol!
Anda kodoia kă phabol keo ilo,
khos mîră nasulimata!
2 Thov man ku sea katar mîrî doș
hai ker man ujo katar muro bezeh!
3 Kă gianav mîră nasulimata,
hai muro bezeh si totdeauna angla mande.
4 Kontra kiri, numa kontra kiri kerdem bezeh
hai kerdem so si nasul angla tute,
kadea kă san ciacio kana phenes ⸤kă sem doșalo⸥,
hai san ujo andă ki kris.
5 Ita kă sem doșalo dă kana kerdineailem,
hai bezehalo dă kana semas kerdo andă mîrî dei.
6 Ita, tu kames o ciacimos ando ilo,
hai keres man te pringianav e goghi ando than o garado!
7 Ujosar man anda o bezeh isoposa,b Numerea 19:18; Levitiko 14:1-7* O isopo daștil te avel sar kana kingheares busuiokosa. hai si te avav ujo,
thov man hai si te avav mai parno dă sar o iv!
8 Ker man te așunav veselia hai bukuria,
hai ăl kokalea kai înkheardean len, te bukurin pes!
9 Garav keo mui katar mîră bezeha,
khos saorî doș mîrî!
10 Ker andă mande, Devla, ăk ilo ujo,
hai andă mande ker ăk duho nevo kai aciol pakeamasa!
11 Na ciude man katar keo mui,
hai na le mandar keo Duho Sfînto!
12 De man pale e bukuria ke mîntuireaki,
hai înkear man ăk duhosa kai kamel te kerel ki voia!
13 Atunci va sikavava ke droma le doșalenghe,
hai ăl bezehale va boldena pes tute.
14 Hastra man katar o rat kai ciordem les, Devla,
o Del kai hastraves man!
Hai mîrî cib va ghilabela bukuriasa keo ciacimos.
15 Muro Rai, putar mîră ușt,
hai muro mui va ghilabela ki lauda!
16 Ni kames jertfa anda siniate sfînto, aver felo afi anavas tuke,
hai ni bukuris tut nici katar o phabarimos dă sea.
17 Ăl jertfe anda save bukuril pes o Del
si ăk duho smerime.
Devla, tu ni dikhes nasul ăk ilo smerime hai înkheardo.
18 Andă keo lacimos, ker mișto le Sionoske
hai vazde ăl ziduri le Ierusalimoske!
19 Atunci si te aven jertfe ciace andal sini sfînto,
phabarimos hai jertfa dă sea anda save va bukurisa tut,
atunci va phabola pă keo altari guruva.
a^ 2 Samuel 12:1-15
b51:7 Numerea 19:18; Levitiko 14:1-7
*51:7 O isopo daștil te avel sar kana kingheares busuiokosa.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.